Búgin Úkimet otyrysynda Ulttyq ekonomıka mınıstri Álibek Qýantyrov 2023 jylǵy qańtar-qazan aılaryndaǵy áleýmettik-ekonomıkalyq damý qorytyndylary týraly baıandap berdi, dep habarlaıdy Egemen.kz.
Esepti kezeńde Qazaqstan ekonomıkasynyń ósý qarqyny 4,9%-dy qurady.
«Oń dınamıka naqty sektorda – 3,8%, qyzmet kórsetý salasynda – 5,4% ósti. Qurylys, saýda, aqparat jáne baılanys, sondaı-aq kólik salalarynda eń joǵary ósim baıqaldy. Negizgi kapıtalǵa salynǵan ınvestısııalardyń ósý qarqyny 12,6 paıyzdy qurady. Investısııalar aǵyny kólik jáne qoımalaýda – 58%, densaýlyq saqtaýda – 40%, saýdada – 38%, bilim berýde – 18%, aýyl sharýashylyǵynda – 8,7%, ónerkásipte – 8,3% ósti», dedi mınıstr.
Sondaı-aq aldyn ala qorytyndy boıynsha qańtar-qyrkúıekte syrtqy saýda taýar aınalymy 2,4% ósip, 102 mlrd dollardy qurady. Eksport 57 mlrd-tan astam dollardy qurap, onyń ishinde óńdelgen taýarlar eksporty 18 mlrd dollarǵa jetti, taýarlar ımporty 44 mlrd-tan astam dollarǵa jetti. Oń saýda balansy 13 mlrd dollarǵa teń.